Трамп: Мы хочам спыніць Расею

• 7.04.2025, 17:31

Прэзідэнт ЗША заявіў, што яму не падабаюцца бамбардзіроўкі.

Прэзідэнт ЗША Дональд Трамп заявіў, што ЗША працягваюць прыкладаць намаганні для мірнага ўрэгулявання расейска-украінскай вайны і падтрымліваюць дыялог з Расеяй. Пра гэта ён сказаў падчас размовы з журналістамі на борце Air Force One 6 красавіка, паведамляе Associated Press.

«Мы гаворым з Расеяй. Мы жадаем яе спыніць. Мне не падабаюцца бамбардзіроўкі, яны адбываюцца зноў і зноў. Штотыдзень гінуць тысячы маладых людзей», - сказаў Трамп.

Ён традыцыйна падкрэсліў, што гэтая «жахлівая рэч» ніколі б не адбылася, калі б ён быў прэзідэнтам.