Зіма вярнулася ў Беларусь

• 7.04.2025, 8:17

Краіну засыпала снегам.

Сапраўдная зіма прыйшла ў Беларусь раптоўна і з усёй моцай. Снегапады, якія абрынуліся на краіну ў ноч на 6 красавіка, ператварылі двары, вуліцы і трасы ў сапраўдныя снежныя краявіды. Некаторыя дрэвы не вытрымалі цяжару мокрага снегу - галіны гнуліся да зямлі, а дзе-нідзе і зусім падалі, перацінаючы дарогі.

Аўтамабілі, якія стаяць на адкрытых паркоўках, ператварыліся ў гурбы на колах, а многія беларусы прачнуліся ў доме без святла. Цяжкасці закранулі і транспартную сферу: праз паваленыя дрэвы на шляхах на адрэзку Асіповічы — Магілёў затрымліваюцца цягнікі. Некаторыя рэйсы ідуць са спазненнем да гадзіны.

Снег у Менску ішоў амаль увесь дзень, але на дарогах і ходніках ён надоўга не затрымаўся: асфальт цёплы, таму снежнае покрыва ператвараецца ў ваду практычна на вачах. А вось на кветніках, дахах і дрэвах белы пухнаты снег усё яшчэ ляжыць, ствараючы ненатуральны па кантрасце з ажываючай прыродай пейзаж. Парасткі кветак, кустоў і маладых дрэў пакрытыя ільдзінкамі, паведамляе «Онлайнер».

7 красавіка абвешчаны аранжавы ўзровень небяспекі. Паводле звестак Белгідрамета, чакаюцца ўзмацненне ветру з парывамі да 18 м/с, моцны снегапад і галалёдзіца. Тэмпература паветра ўначы апусціцца да -5°C...-3°C, удзень пацяплее да +2°C.