Еўрапейскі вайсковы кантынгент для Украіны: Зяленскі заявіў аб з'яўленні першых дэталяў

• 5.04.2025, 17:22

Кіраўнікі генштабаў узброеных сіл Францыі і Вялікай Брытаніі прыбылі ў Кіеў.

Прэзідэнт Украіны Уладзімір Зяленскі заявіў аб прагрэсе і адзначыў, што ёсць першыя дэталі па размяшчэнні кантынгенту партнёраў ва Украіне.

Пра гэта паведамляецца ў афіцыйным Telegram-канале кіраўніка ўкраінскай дзяржавы.

«Ёсць адчувальны прагрэс і першыя дэталі што да таго, як можа быць размешчаны кантынгент партнёраў у бяспецы», - заявіў прэзідэнт Украіны.

Таксама Зяленскі паказаў фота сустрэчы ўкраінскага боку з начальнікамі штабоў абароны партнёраў, дзе і абмяркоўваліся гэтыя пытанні. З боку партнёраў прысутнічалі: адмірал Энтані Радакін з Вялікай Брытаніі і генерал Т'еры Бюркар з Францыі.

- Прыкладаем намаганні для бяспекі ва Украіне і надзейных гарантый бяспекі... Удзячны ўсім краінам, якія нам у гэтым дапамагаюць, і Вялікай Брытаніі і Францыі за лідарства. Менавіта такая сумесная работа, калі ўсе нацэлены на моцны вынік, дапамагае набліжаць надзейны і працяглы мір ва Украіне, - рэзюмаваў кіраўнік дзяржавы.