На фронце з'явіліся ўкраінскія дроны на оптавалакне далёкасцю 20 км

• 5.04.2025, 14:06

Глаўкам УСУ Сырскі раскрыў дэталі.

На фронце ўжо працуюць украінскія беспілотнікі на оптавалакне далёкасцю 20 кіламетраў. Аб гэтым заявіў галоўнакамандуючы УСУ Аляксандр Сырскі па выніках справаздачы камандавання Сіл беспілотных сістэм у суботу, 5 красавіка.

Як адзначыў глаўкам, у войску працягваецца нарошчванне колькасці і здольнасці дронаў на оптавалакне.

Сырскі дадаў, што беспілотнікі дэманструюць эфектыўнасць на фронце. Толькі ў сакавіку БПЛА розных тыпаў уразілі і знішчылі больш за 77 тысяч расейскіх цэляў. Гэта на 10 працэнтаў больш, чым у лютым.

Акрамя таго, абясшкоджана каля тысячы разведвальных БПЛА акупантаў. Для супрацьдзеяння расейскім дронам на фронце ўкараняюцца новыя сістэмы РЭБ, між іншым павялічваюць колькасць сістэм блізкага дзеяння.