Генерал NATO раскрыў вялізныя страты расейцаў

• 4.04.2025, 8:00

Украінцы знаходзяцца на вельмі моцных пазіцыях.

Расея за час поўнамаштабнай вайны супраць Украіны страціла больш за 4000 танкаў. Гэта амаль танкавы корпус ЗША.

Пра гэта заявіў галоўнакамандуючы Аб'яднанымі сіламі NATO ў Еўропе генерал Крыстафер Кавалі, паведамляе «РБК-Украіна».

«Расейцы страцілі больш за 4000 танкаў, што складае амаль увесь склад танкавага корпуса ЗША. Маштабы гэтага канфлікту проста выклікаюць глыбокую павагу (уражваюць - рэд.)», - сказаў Кавалі падчас слуханняў у камітэце Сената Злучаных Штатаў.

Са слоў Кавалі, зараз Украіна і яе войскі знаходзяцца на вельмі моцных абарончых пазіцыях, і нават паляпшаюць іх. Таксама ён адхіліў магчымасць паражэння Украіны ў вайне з Расеяй.

«У вайне няма нічога непазбежнага. І ўкраінцы зараз знаходзяцца на вельмі моцных абарончых пазіцыях і слаба паляпшаюць сваю здольнасць генераваць сілу і ўмацоўваць гэтыя пазіцыі. Седзячы тут зараз, цяжка ўявіць вялікі ўкраінскі наступ, які ачысціць кожны квадратны сантыметр Украіны ад ворага. Але гэтак жа цяжка ўявіць, што Украіна пацярпіць крах і саступіць у гэтым канфлікце. Я не думаю, што ўкраінскае паражэнне з'яўляецца непазбежным», - адказаў на пытанне генерал NATO.