У Літве прапанавалі пазбаўляць ДНЖ беларусаў, якія ездзяць на радзіму

• 3.04.2025, 15:02

Канчатковую пастанову прыме Сэйм. 

Камітэт Сэйма Літвы ў пытаннях нацыянальнай бяспекі і абароны 3 красавіка падтрымаў увядзенне больш строгіх нацыянальных санкцый у дачыненні да грамадзян Расеі і Беларусі. Чальцы камітэта аднагалосна падтрымалі прапанову Лаўрынаса Кашчунаса, Аўдронюса Ажубаліса і Валдаса Ракуціса аб тым, што выдачу дазволаў на жыхарства ў Літве грамадзянам Беларусі, як і расейцам, трэба прыпыніць, калі ў іх няма дзейнай візы. А дзейныя ДНЖ павінны быць ануляваныя, калі грамадзяне Расеі і Беларусі здзейснілі паездкі ў Расею або Беларусь больш за адзін раз на працягу трох каляндарных месяцаў, паведамляе LRT.

Палітыкі тлумачаць такія меры тым, што ў Беларусі гэтых людзей могуць завербаваць спецслужбы для пэўных выведвальных функцый. Выключэнне будзе для перавозчыкаў і кіроўцаў грузавікоў, якія едуць праз Беларусь і Расею або калі паездка мела аб'ектыўныя прычыны, якія не залежаць ад грамадзяніна.

Гэтыя прапановы падтрымалі ў адміністрацыі прэзідэнта Літвы і ў Дэпартаменце дзяржаўнай бяспекі (ДДБ), але раскрытыкавалі бізнэс-арганізацыі. Так, генеральны дырэктар міжнароднага транспартна-лагістычнага альянсу Павілас Дрыжас Аквіле Разувене сказала, што новыя абмежаванні прывядуць да скарачэння колькасці беларусаў, якія працуюць у Літве, што будзе мець непрапарцыйна вялікі ўплыў на літоўскую эканоміку. Канчатковую пастанову наконт гэтых прапаноў прыме Сэйм.