Камандзір роты з Пецярбурга здаўся ў палон «Хартыі» разам з падначаленымі

• 3.04.2025, 15:47

Батальён, у склад якога ўваходзіла ягоная рота, быў разбіты.

Камандзір роты войска РФ лейтэнант Уладзіслаў Балграбскі на Харкаўшчыне вывеў рэшткі сваёй роты з пазіцыі і добраахвотна здаўся ў палон байцам 13-й брыгады Нацгвардыі "Хартыя" разам са сваімі падначаленымі.

Як паведамляе Цензор.НЕТ, расейскі батальён у склад якога ўваходзіла рота Балграбскага за адзін месяц быў знішчаны амаль цалкам. Засталося ўсяго пяцёра салдат.

Менавіта яны разам з афіцэрам і здаліся ў палон. Аб падрабязнасцях баёў, матывацыі і парадках у войску РФ расейскі афіцэр расказаў у інтэрв'ю каналу "Бутусаў плюс".