Вугоршчына аб'явіла аб выхадзе з МКС

• 3.04.2025, 12:27

Працэс пачнецца ўжо сёння.

Вугоршчына выйдзе з Міжнароднага крымінальнага суда (МКС), паведаміў прадстаўнік урада Золтан Ковач на сваёй старонцы ў X.

«Працэс выхаду пачнецца ў чацвер [3 красавіка] у адпаведнасці з канстытуцыйнымі і міжнародна-прававымі абавязаннямі Вугоршчыны», - гаворыцца ў паведамленні.

Раней у Будапешт прыбыў прэм'ер Ізраіля Біньямін Нетаньяху, у дачыненні да якога дзейнічае ордэр на арышт, выдадзены МКС. The Times of Israel напісала, што гэта першая паездка Нетаньяху пасля выдачы ордэру.