«Выходзіць, заплаці двойчы - і тады лячыся»

• 3.04.2025, 11:54

Як беларуска спрабавала на бясплатнае абследаванне запісацца.

Чытачка сайта Charter97.org расказала, чаму ў Беларусі лепш не хварэць:- Пойдзеш да лекара — выпіша абязбольвальны сродак, дый пі, калі не хочаш, каб балела. Выбіць накіраванне на бясплатнае абследаванне — гэта цуд!Таму ўсе даследаванні і даводзіцца рабіць платна ў Менску. Цуды мне яшчэ пакуль не падуладныя. А раз боль мяне як даймаў, так і даймае, то знаёмая лекарка параіла мне яшчэ адное даследаванне зрабіць.Пайшла я да сваёй тэрапеўткі, якая, натуральна, ведае пра мае пакуты, папрасіла накіраванне на працэдуру. А яна мне і кажа: “Вы ведаеце, гэта ж трэба ў Менск ехаць, а там чарга амаль год”.- Дык а чаму нельга ў нашай паліклініцы зрабіць? Апаратура ж ёсць, кабінет ёсць…А яна, не даслухаўшы мае разважанні, перапыняе: “Усё ёсць, толькі лекара няма. А без лекара наш апарат каторы год стаіць і абрастае пылам”. І пытае далей: “Вам даследаванне з гадавым абанементам (чакай год, тады можна прайсці задарма) або паедзеце на платнае?”Мусіла ўзяць накіраванне на платную працэдуру. Тэлефаную, запісваюся адразу на наступны тыдзень. Асцярожна пытаюся тут жа пра тую ж працэдуру задарма. Медсястра адразу мне называе вольныя даты. Ого, дык гэта ж у красавіку, толькі ў красавіку… 2026 года.- Будзеце чакаць? Ці запісваем на платнае?Чакаць не буду, бо і так ужо каторы месяц пакутую. Запісваюся на платнае. А самую дрэнчыць пытанне: дык чаму так? Чаму, калі за грошы, то ёсць і час, і кабінет, і лекар? А як бясплатна (дакладней, аплачанае на працягу жыцця падаткамі), дык толькі праз год.Вось вам і сацыяльная дзяржава ў дзеянні. Прыкра, што людзі ўтрымліваюць гэтую бясплатную медыцыну сваімі адлічэннямі і не могуць ёй пасля скарыстацца. Выходзіць, заплаці двойчы — і тады лячыся.