У Беларусі пачне працаваць новая сістэма «рэгулявання цэн»

• 3.04.2025, 10:35

З заўтрашняга дня. 

У сераду, 2 красавіка, “урад” падпісаў чарговую версію пастановы № 713 “Аб сістэме рэгулявання коштаў”. А ў чацвер, 3 красавіка, дакумент афіцыйна апублікаваны на Нацыянальным прававым партале.

Асноўныя нормы новай пастановы набудуць моц з 4 красавіка, некаторыя - праз месяц, а шэраг змен - з 15 красавіка.

Так, напрыклад, з 15 красавіка пачне дзейнічаць норма, згодна з якой аблвыканкамы і Менскі гарвыканкам змогуць вызначаць пералікі тавараабменных аперацый, якія павінны змяшчаць прадметы гэтых аперацый, а таксама найменні юрыдычных асоб, якія могуць іх ажыццяўляць.

Пры гэтым абноўленыя стаўкі гранічных максімальных надбавак для імпарцёраў таксама запрацуюць з 15 красавіка.

Нагадаем, паводле новай пастановы з 331 да 211 пазіцый скарацілі пералік тавараў, якія падлягаюць цэнаваму рэгуляванню. Пры гэтым для вытворцаў такіх тавараў устанавілі гранічную норму рэнтабельнасці.