Менчукоў спыталі, у якім узросце час з'язджаць ад бацькоў

• 2.04.2025, 19:04

Адказы вас здзівяць.

Журналіст Blizko.by выйшаў на вуліцы Менска з пытаннем, у якім узросце час з'язджаць ад бацькоў. Вось якімі атрымаліся адказы.

Моладзь, як правіла, адказвала, што пачынаць самастойнае жыццё трэба ў 17-18 гадоў:

"Чым раней - тым лепш".

"Думаю, што дваццаць адзін - гэта ўжо шмат".

А на пытанне, чаму некаторыя людзі жывуць з бацькамі і ў 25 гадоў, адказваюць, што "гэта зручна":

"Усё цёплае, жывеш на ўсім гатовым".

"Несамастойнасць, напэўна".

Аднак калі, напрыклад, 22-гадовы хлопец жыве ў мамы з татам - гэта яшчэ неабавязкова “чырвоны сцяг”, упэўненая адна дзяўчына: “Усё адно ён будзе потым усяго дамагацца, рабіць кар'еру. Усё добра”.

Яшчэ адзін маладзён выказаў меркаванне, што "большасць проста ў зоне камфорту знаходзяцца і не задумваюцца аб тым, што трэба [самастойна] нейкія праблемы развязваць". Аднак гэтае ўсведамленне "само прыходзіць з часам", дадаў ён.

А прадстаўнік больш старэйшага пакалення мяркуе, што ў кожнай сям'і ўсё бывае індывідуальна і адзінага рэцэпта няма:

"Розныя дзеці ёсць, розныя сітуацыі, рознае выхаванне, розны ўзровень даходу".

“У прынцыпе павінна быць самастойнасць, але самастойнасці трэба вучыцца. А проста бяздумна ўсё выкінуць заўтра - таксама няправільна”.

“Мы нават і не жылі [доўга з бацькамі], няма досведу такога”.