У Беларусь ідзе 5G

• 1.04.2025, 20:49

Падпісаны ўказ.

Аляксандр Лукашэнка 1 красавіка падпісаў указ «Аб рэалізацыі інвестыцыйнага праекту».

Дакумент накіраваны на развіццё ў краіне «сучаснай інфраструктуры сетак электрасувязі на аснове ўкаранення ў інтарэсах дзяржавы, грамадзянаў і бізнэсу новых інфармацыйна-камунікацыйных тэхналогій», паведамляе прэс-служба палітыка.

«Указам прадугледжанае стварэнне сеткі сотавай рухомай электрасувязі з тэхналогіяй IMT-2020 (5G) паводле мадэлі адзінага інфраструктурнага аператара з уключэннем у склад гэтай сеткі адзінай сеткі сотавай рухомай электрасувязі паводле тэхналогіі LTE (4G)», – адзначылі ў прэс-службе.

У выніку рэалізацыі праекту «плануецца павышэнне даступнасці і якасці мабільнай сувязі і хуткасці інтэрнэту за кошт актыўнага ўкаранення тэхналогіі 5G і павелічэння ахопу тэрыторыі краіны сувяззю паводле тэхналогіі LTE».