Сілавікі затрымалі крымінальнага аўтарытэта на мянушку «Паштэт»

• 1.04.2025, 14:43

Нібыта за махлярства.

Беларускія сілавікі заявілі аб затрыманні крымінальнага аўтарытэта. Павел Аляксеевіч (крымінальная мянушка "Паштэт") разам з 43-гадовым суўдзельнікам нібыта дапамагалі зламыснікам выводзіць выкрадзеныя ў беларусаў грошы.

Сілавікі сцвярджаюць, што Аляксеевіч звязаўся з прадстаўнікамі ашуканскага кол-цэнтра і, карыстаючыся статусам "крымінальнага аўтарытэту", прапанаваў супрацоўніцтва. На працягу паўгода ён з суўдзельнікам пераводзілі сродкі, атрыманыя ад ахвяр аферыстаў, у крыптавалюту і перадавалі заказчыкам на электронных назапашвальніках пры асабістых сустрэчах у Менску. За свае паслугі бралі 27 адсоткаў ад сумы.

Паджылых беларусаў ашуквалі ад імя праваахоўнікаў і прадстаўнікоў аператараў мабільнай сувязі. Дакладна вядома менш як аб 57 эпізодах на суму звыш 370 тысяч рублёў.

Падчас вобшукаў у затрыманых канфіскаваныя грошы і маёмасць, якія будуць выкарыстаныя для кампенсацыі шкоды, прычыненай пацярпелым.