Украінскія дроны масава атакавалі мяжу з Бранскай вобласцю

• 1.04.2025, 10:23

Пад ударам апынуліся расейскія пагранічнікі.

Чатыры расейскія памежнікі шпіталізаваныя ў медычныя ўстановы ў выніку ўкраінскіх нападаў на Бранскую вобласць 29 сакавіка, высветліла ASTRA.

Так, днём дрон атакаваў пазіцыі памежнікаў у раёне вёскі Куркавічы Старадубскага раёна, там паранены адзін чалавек.

Таксама дроны атакавалі месца дыслакацыі вайскоўцаў ПУ ФСБ у раёне вёскі Сушаны Клімаўскага раёна, там паранены двое памежнікаў. Яшчэ адзін супрацоўнік памежнай управы паранены ў раёне вёскі Новыя Юркавічы Клімаўскага раёна.

Пацярпелых сярод мірных жыхароў няма, мясцовыя ўлады аб параненых вайскоўцах не паведамляюць.