Беларускія суслікі выйшлі са спячкі

• 7.03.2025, 21:58

Фотафакт.

У Беларусі пасля зімовай спячкі прачнуліся суслікі. Як мінімум аднаго ў Нясвіжскім раёне заўважыў біёлаг і даследнік дзікай прыроды Сяргей Шакала.

«Пасля доўгай і суровай спячкі ў гэтую зіму выйшаў першы звярок. Такіх худых, знясіленых яшчэ не даводзілася раней бачыць. Не звяртаючы ўвагі на патэнцыйную небяспеку, суслік з прагнасцю паглынаў бедную леташнюю траву», – напісаў біёлаг.

Але біёлаг адзначыў, што сусліныя палі пакуль яшчэ «знежывелыя».